SATUA BALI

Tuma teken titih
Salinan: IGN.Suardeyasa

Kacrita ada tuma nongos di lepitan tilam anake agung. Ditu iya kapepekan amah, maan ngisep rah anake agung kanti mokoh, nanging I titih nongos di selagan dinding anake agung. Dening iri ngiwasin I tuma mokoh, lantas iya kema ngalih I tuma. Satekane ditu, I titih matedoh ngomong “inggih jero gede, angob pisan tityang, ngatenang jerone ebuh. Sinah jerone kapepekan ajengan, nanging tityang satata kakirangan amah, kantos tityang berag sapuniki. Yan wantah jerone ledang, tityang sareng iriki. Mangda tityang dados sisyan jerone. Tityang pacang ngiring sapituduh jerone. Masahut I tuma “ih titih, pituwi saja buka omong caine, bapa nyak ngajak cai dini. Kewala ingetang pitutur bapane. Eda pesan cai ngulurin loban keneh caine. Anake ane loba, tusing buungan lakar nepukin sengkala. Lenan teken ento, tusing pesan dadi iri ati, ngranayang liyu ngelah musuh. Apang cai bisa malajahin kadarman. Keto pamunyine I tuma teken I titih.
Jani suba makakasian. I titih lega pesan kenehne dadi sisya I tumane. Sedek dina anu, ida anake agung merem-mereman. Saget I titih Makita ngisep rah anake agung. Ngomong I tuma “ih cai titih, eda iju ngutgut ida anake agung. Krana ida tonden sirep. I titih bengkung tusing dadi orahina,

Lantas iya sahasa ngutgut anake agung. Ida anake agung tengkejut, lantas matangi. Ditu ida ngandikaang parekane ngalih I titih. Parekane lantas ngalihin. Mara kebitanga di beten tilame, tepukina I titih luwa mwani, lantas matianga. Buwin ali-alihina, tepukina I tuma di lepitan kasure. Ditu lantas matianga. Pamragat mati I tuma ajaka I titih. Keto katuturan anake ane lobha, tusing bisa ngeret indriya, tan urungan lakar nepukin sengkala.

Kaketus saking ni diah Tantri.

2 Tanggapan

  1. wuih bagus” bisa dak carikan saya satua dede basur, tapi jangan pake bahasa indonesia ya, minta tolong di kirimkan ke email saya “made_arjawa@yahoo.com

  2. Ngiring mesatua Bali, mangda sastra budaya Bali ajeg ngatos riwekasan…

    ngiring simpang ring satua siosan :
    | | | Satua Bali Rare Angon Nak Bali Belog | | |

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: